Матье Бодмер: “Пасторе Аймар ва Рикельме билан бир қаторда туради”

“Ницца” клуби ҳимоячиси Матье Бодмер, “ПСЖ” клуби ярим ҳимоячиси Хавьер Пасторега катта ҳурмат билдирган ҳолда таъриф бериб ўтди.

- Хавьер менга жуда ёқади, чунки у рақибга сездирмаган ҳолда тезлик билан гол киритиши мумкин ёки голли тўп узатишни амалга ошириши мумкин. Бундай вазиятда майдонда кўп югуришнинг ҳожати бўлмай қолади. Пасторе тўпни қандай бошқаришни жуда яхши билади. Менга бу футболчига ўхшаган, бутун Аргентина терма жамоасини олға бошлай оладиган ўйинчилар ёқади. Рикельме ва Аймар ҳам шундай футболчилар бўлишган, Бодмарнинг сўзларини келтиради Le10Sport.