Маҳмуд Маҳамаджонов: "Мавсум аввалида ўз ўйинимизни топиб олишга қийналдик"
03 апр 2025 11:09
Новости

Маҳмуд Маҳамаджонов: "Мавсум аввалида ўз ўйинимизни топиб олишга қийналдик"

Суперлиганинг қолдирилган 1-тури доирасидаги "Пахтакор" – "Машъал" (5:0) ўйинидан сўнг мезбонлар ҳимоячиси Маҳмуд Маҳамаджонов фикрлари билан ўртоқлашди.

"Яхши ўйин ўтказдик ва мавсумдаги дастлабки ғалабани қўлга киритдик. Мухлисларни хурсанд қилиш учун майдонга чиққандик. Олдимизда ғалабадан бошқа йўл йўқ эди. Боримизни бағишлаганимиз боис чиройли ғалабага эришдик.

Муваффақиятсиз натижалар ҳамма жамоада учраб турадиган ҳолат ҳисобланади. Мавсум аввалида ўз ўйинимизни топиб олишга қийналдик. Келгусида керакли очколарни йиғишда давом этамиз.

Кейинги рақиб – "Сўғдиёна"га қарши ўйингача кўп вақтимиз йўқ. Шунинг учун, дам олмасдан, эртаданоқ тайёргарлик машғулотларини бошлаймиз. Менимча, жиддий муаммога учрамаймиз", деди 21 ёшли футболчи.

Ссылка :

Источник : championat.asia

Получайте новости прямо в Telegram!

Рейтинг: +1