"Локомотив" - "Қизилқум" учрашувининг бошланиш вақти ўзгарди
26 апр 2019 21:19
Новости

"Локомотив" - "Қизилқум" учрашувининг бошланиш вақти ўзгарди

Суперлиганинг 6-туридан ўрин олган "Локомотив" - "Қизилқум" баҳси дастлаб 19:35га белгиланганди.

Бироқ 27 апрель куни бўлиб ўтадиган "Сўғдиёна" - "Пахтакор" баҳси ҳам шу вақтда бошланиши ҳамда ўйин "Спорт" телеканали орқали жонли эфирга узатилиши эътиборга олиниб, "Локомотив"нинг навбатдаги уй учрашуви бошланиш вақти 17:30га белгиланди. Бу ҳақда ПФЛ клубга расман маълум қилди.

Шундай қилиб 27 апрелда ТТЗ даҳасидаги "Локомотив" стадионида кечадиган беллашув соат 17:30да старт олади ва "Спорт" ТВ орқали тўғридан-тўғри намойиш этилади.