“Локомотив” Дубайда машғулот ўтказди (ФОТО)
19 апр 2016 07:05
Новости

“Локомотив” Дубайда машғулот ўтказди (ФОТО)

Кеча тушдан сўнг БААнинг энг кўркам шаҳарларидан бири Дубайга етиб келган “Локомотив” футболчилари кечки пайт “Ал Наср”га қарашли майдонлардан бирида машғулот олиб боришди.

Машғулотда жамоа билан ташриф буюрган барча 20 нафар футболчи иштирок этди. Майдондаги ўйинчилар билан Мирко Йелечич ва Андрей Микляев ишлаган бўлса, дарвозабонларни Пётр Гизимчук шуғуллантирди. Маълумки, асосий таркибдан икки футболчи Тошкентда қолган.

Неманья Яничич ҳозирда жароҳатини даволаётган бўлса, Кахи Махарадзе ОЧЛдаги сариқ карточкалари иккита етгани туфайли 20 апрель кунги “Ал Наср” билан биринчи ўйинни ўтказиб юборади. Албатта, муҳим ўйин олдидан бу жиддий йўқотиш, лекин жамоамизнинг мақсади фақат ғалаба. Барча Дубайга ижобий натижани кўзлаб ташриф буюрган.

Қуйида машғулотдан фотосуратларни келтириб ўтамиз.