“Ливерпуль” Луис Суаресни “Реал”га 47 миллион еврога сотишга тайёр

Мерсисайдликлар 26 ёшли Уругвай терма жамоаси футболчисини 47 миллион евро эвазига қироллик клубига сотишга тайёрлар, деб хабар беради Marca.

Манбанинг хабарига кўра, Суарес ҳамда “Ливерпуль” билан тегишли келишувга эришилган.

Бироқ “Реал” футболчини қишки трансферлар ойнаси мобайнида сотиб оладими ёки йўқми номаълумлигича қолмоқда.

Эслатиб ўтамиз, Суарес ушбу мавсум Англия чемпионатининг 6 та ўйинида иштирок этиб, 8 та гол ва 2 та голли тўп узатишни амалга оширган.