“Ливерпуль” ҳимоячиси операция қилинди ва энди 3 ой футбол ўйнамайди

Клайн сўнгги бор июль ойида “Ливерпуль” сафида “Транмир Роверс” клубига қарши ўртоқлик учрашувида майдонга тушганди. Айнан ўша ўйинда у белидан жиддий жароҳат олган эди. 

Сентябрь ойида 26 ёшли ўнг қанот ҳимоячиси машғулотларни қайта бошлаганди. Аммо ўшандан кейин жароҳатини янада жиддийлаштириб олди. Кеча футболчи жарроҳлик столига ётишга мажбур бўлди. 

Эслатиб ўтамиз, Клайн “Ливерпуль” сафига 2015 йили “Саутгемптон” клубидан келиб қўшилган эди. Ўтган мавсумда у Юрген Клопп жамоаси сафида Премьер-лигада 37 та ўйинда майдонга тушганди.