"Ливерпуль" "Арсенал" қизиқаётган ҳужумчини илиб кетмоқчи

Бу ҳақда "TBR Football" хабар тарқатди.

Словениялик футболчига "Арсенал" ва "Челси" қизиқиш билдиришда давом этмоқда, Шешконинг ўзи ҳам Лондонга кўчиб ўтишга қарши эмас. Ҳужумчининг товон пули 58 млн фунтни ташкил этади, аммо "Лейпциг" ундан камроқ таклифларни ҳам кўриб чиқишга тайёр.

Қайд этилишича, айни пайтда "Ливерпуль" Шешкони келаси ёзда жамоани тарк этиши мумкин бўлган Дарвин Нуньеснинг ўрнига потенциал футболчи сифатида кўрмоқда.

Шешко ушбу мавсум барча турнирларда 34 ўйин ўтказиб, 17 та гол урди ва 5 та голли узатмани амалга оширди. Унинг клуб билан шартномаси 2029 йилнинг ёзига қадар мўлжалланган.