"Лестер" Роберт Хутни ижарага олди

Футболчи мавсум охирига қадар ушбу клуб шарафини ҳимоя қилади. "Тулкилар" чемпионатда ёмон иштирок этишаётганлиги туфайли январда бир қатор футболчиларни ўз сафига қўшиб олишди. Бош мураббий Найжел Пирсон жамоага тажрибали дарвозабон Марк Шварцерни ва ҳужумчи Андрей Крамарични таклиф қилди.

"Лестер"нинг яна бир футболчиси Шварцернинг "Мидлсбро"даги собиқ шериги Роберт Хут бўлди. 30 ёшли ҳимоячи Премьер-Лигада анчагина кўп фаолият олиб борган. У 2002 йилда "Челси"га ўтганди.

Хут дисквалификация туфайли "Кристал Пэлас"га қарши ўйинда иштирок эта олмайди.