Киберспорт. Артур Бабаев жамоаси ярим финалда!
10 дек 2016 10:11
Новости

Киберспорт. Артур Бабаев жамоаси ярим финалда!

Кеча тунда АҚШнинг Масачусетс штатидаги "Ванг" театрида Dota 2 ўйини бўйича ўтаётган соврин жамғармаси 3 млн. доллар бўлган "The Boston Major-2016" турнирининг чорак финал ўйинлари ўтказилди.

Олдинроқ Ўзбекистонда туғилган Артур Бабаев ("Arteezy") ўйнайдиган "Evil Geniuses" жамоаси ушбу мусобақанинг чорак финалида Россиянинг "Virtus.pro" клубига қарши баҳс олиб боришини эълон қилган эдик. Ушбу ўйин сайтимиз орқали тўғридан-тўғри олиб кўрсатилди. Артур Бабаев жамоаси ушбу баҳсда ҳам ишончли ғалабани (2:0) қўлга киритди. "Evil Geniuses" энди ярим финалда OG жамоасига қарши курашади. Бабаев жамоаси 250 000 АҚШ доллари миқдоридаги ютуқни нақд қилди. Агар "Evil Geniuses" турнир ғолибига айланса, уларга 1 000 000 АҚШ доллари миқдорида мукофот пули топширилади.

Ссылка :

Источник : championat.asia

Получайте новости прямо в Telegram!

Рейтинг: +2