Жозе Моуриньо ўйиндан кейинги матбуот анжуманида нималар деди?
13 авг 2017 23:00
Новости

Жозе Моуриньо ўйиндан кейинги матбуот анжуманида нималар деди?

“МЮ” устози АПЛ 1-турида жамоасининг “Вест Хэм” устидан (4:0) қозонилган ғалабасидан кейин ўз фикрлари билан ўртоқлашди.

“Ўйин қийин кечди. Ҳатто ҳисоб 2:0 вақтида ҳам учрашув тақдири ҳал этилмаганди. “Вест Хэм”да ҳам имконият бўлди.

Биз ўйинни яхши бошлай олмадик. Асабий кўриндик. Аммо кейин яхши ўйин намойиш этдик. Менга ишончли ўйин ёқади. Биз айнан ишончли ўйин кўрсатдик.

Янги футболчилар янги клубда ўзларини кўрсатишни исташади. Ҳамма улардан голлар кутади. Мората, Лукаку, Ляказет, Руни ўзларини кўрсатишди. Бу уларга ишонч бағишлайди.

Биз мавсумни йирик ғалаба билан бошладик ва биринчи поғонадамиз. Аммо бу ҳеч нарсани англатмайди. Ҳозир биз учун ўзимизга бўлган ишончни юқори бўлиши муҳим. Ўтган мавсумда “Вест Хэм” билан ўйинда икки очкони йўқотгандик, бугун уч очко ишладик”, дейди Жозе Моуриньо.

Ссылка :

Источник : BBC

Получайте новости прямо в Telegram!

Рейтинг: +13