Жезуалду Феррейра: "Гуруҳда вазият чигаллашди"

- Кеча айтиб ўтганимдек жуда қийин ўйин бўлди. Бугунги баҳс жуда чиройли ўтди. Томошабинлар билан тўлиб тошган стадионда ўйнаш ёқимли бўлди. Айнан шундай муҳитларда ОЧЛда ўйнаётганингни тўлиқ ҳис этасан. Осиё чемпионлар лигасида Қатар чемпионатидан фарқли равишда жамоалар асосан жисмоний жиҳатга эътибор қаратишади. Бугун майдонда ҳақиқий жанг кечди. Ўйлашимча, ўйин тенг курашлар остида ўтди. Аммо бизга гол уриш насиб этмади. Хави ҳамда марказий ҳимоячимизнинг йўқлиги билинди. Лекин бу мағлубиятга баҳона бўла олмайди. "Насаф" қайсидир вазиятларда яхшироқ ўйнади ва ғалабага эришди. Ушбу муваффақият билан рақибни табриклайман.

Мағлубиятга нима сабаб бўлди? Баъзида жамоалар ўзининг футболини намойиш эта олмайди. Бугун бизда шундай ҳолат кузатилди.

Гуруҳдаги вазият исталган пайт ўзгариб кетиши мумкин. Айни пайтда бизнинг "квартет"да вазият анча чигаллашди. Ўйлашимча, "Ал Садд", "Персеполис" ва "Насаф" жамоаларининг гуруҳдан чиқиш имкониятлари тенг. Буёғига кураш янада қизғин ўтади.  Кўп нарса "Ал Васл"га ҳам боғлиқ. Амирликларга қарши ким яхшироқ ўйнай олса, ўша жамоанинг гуруҳдан чиқиш имкониятлари кескин ошиб кетиш эҳтимоли юқори.