Жасур Холтўраев: “Бунёдкор” ҳам яхши таассурот қолдирди”

 Ушбу қизиқарли баҳсда майдонда фаол ҳаракат қилган  футболчилардан бири “Шўртан” жамоаси ҳужумчиси Жасур Холтўраев  учрашув якунидан сўнг  ўз фикрларини  билдирди.

- Аввало,  бизни муносиб қувватлаб туришган мухлисларга раҳмат. Тан олиш керак, бугун ўйинимиз унча чиқмади, лекин айнан мухлисларнинг олға чорлашлари туфайли йигитлар охиригача курашишди ва ишончли ғалабага эришдик.

“Бунёдкор” ҳам яхши таассурот қолдирди. Меҳмонларнинг ҳимоядан ўйнаб, қарши хўжумга таянишларини билардик. Муҳими, иродали ғалабага эришдик ва ҳамжиҳатлик эвазига 3 очко олдик. Очиғи, ўйиндан аввал мухлислар ишончини йуқотиб қўйишдан қўрққандим. Сабаби аниқ – олдинги ўйинда ютқазиб қўйгандик. Хуллас, айни пайт биз учун чиройли ўйиндан кўра, натижа муҳимроқ. Гарчи ғалаба қозонган бўлсакда, муаммоларимиз ҳали етарли, уларнинг устидан ишлашда давом этамиз”, - деди Жасур Холтўраев.

Фахриддин Чориев