Жасур Жалолиддинов: "Менга катта умид билдираётган мухлислар ишончини оқлашга ҳаракат қиламан"
26 мая 2024 23:35
Новости

Жасур Жалолиддинов: "Менга катта умид билдираётган мухлислар ишончини оқлашга ҳаракат қиламан"

Суперлига 9-тур доирасидаги "Нефтчи" — ОКМК ўйинида ягона голни урган мезбонлар ярим ҳимоячиси Жасур Жалолиддинов учрашув ҳақидаги фикрлари билан ўртоқлашди.

"Бўлажак ўйинга тайёргарлик қийин бўлмади, одатдагидек ҳозирлик кўрдик. Кетма-кет учрашувларда ғалаба қозона олмаганимиз учун босим мавжуд эди, аммо буни енгиб ўта олдик. Бизда яхши жамоа шаклланган. Бу жамоа қийин вазиятлардан муваффақият билан чиқиб кета олишга қодир. Келгусида ҳам яхши натижалар қайд этишга ҳаракат қиламиз.

Пенальтида омадсиз уриниш футболчиларда учраб турадиган ҳолат ҳисобланади. Муҳими, бу хатони тўғрилаб, жамоани қийин ҳолатга тушириб қўймадим. Фарғона аҳлига миннатдорчилик билдираман, улар менга катта умид билан мухлислик қилишмоқда. Бу масъулиятни ҳис қиляпман. Шу боис, улардан узр сўрадим. Мухлислар ишончини оқлашга ҳаракат қиламан", — деди "Нефтчи" футболчиси.

Ссылка :

Источник : championat.asia

Получайте новости прямо в Telegram!

Рейтинг: +7