Жардим: "Ўтган ёзда Хитойдан тушган катта таклифни рад этдим"
30 мар 2018 20:36
Новости

Жардим: "Ўтган ёзда Хитойдан тушган катта таклифни рад этдим"

"Монако" бош мураббийи Леонарду Жардим уни ПСЖ билан боғлиқ миш-мишлар қизиқтирмаслигини айтиб ўтди.

Олдинроқ, парижликлар португалиялик мутахассиснинг хизматларига қизиқиш билдирганлиги ҳақида маълумотлар тарқалган эди.

"Монако"да маошим яхши, шароитлар ажойиб. Албатта, каттароқ клублар ҳам бор. Лекин мен бу ерда ҳамма нарсадан қаноатланаяпман. Имиж учун эса бошқа мураббий керак - мен эмас. Менинг дунёқарашим ўзгармаган. Статус, маош - бу ўзгаради. Лекин, менинг атрофдагиларга муносабатим ўзгармайди. Мен олдингидек бўлиб қоламан. Маош эса энг муҳими эмас. Ўтган ёзда мен Хитойдан тушган каттагина таклифни рад этдим", - деди Жардим.