Ихтиёр Каримов: "Ғулом Раҳмонов бизнинг "сеҳрли таёқчамиз"

"Ўйин қизиқ бўлди. Бугунги учрашув тақдирини битта гол ҳал қилиши керак эди, шундай ҳам бўлди. Рақиб жамоалари бизнинг ҳужумчиларни ўрганиб чиқишади, ҳужумчиларимиз эса ўз навбатида ҳимоячиларни ўрганишади. Ўйинда ким кўпроқ хато қилса ўша ютқазади.  

Ғулом Раҳмонов нега ҳамон захирада қолмоқда? Уни "сеҳрли таёқча" сифатида фойдаланаяпмиз.

Кенжа Тўраев биринчи даврада жароҳатлар туфайли бизнинг жамоада ўйнаб кета олмади. Иккинчи даврада "Машъал"га бориб қўшилгач ўзининг энг яхши ўйинларини кўрсатмоқда.

Терма жамоа ўйинлари туфайли олий лигада 14 кун танаффус юзага келади. Бу вақт ичида биз битта назорат учрашуви ўтказишга ҳаракат қиламиз. Шу орқали "Андижон" билан баҳсга тайёргарлик кўрамиз", - дейди Ихтиёр Каримов.

"Шўртан" матбуот хизмати