Иван Йосович: "Янги мавсумни "Қўқон-1912"да бошлашимдан хурсандман"

Ўтган мавсум жамоа шарафини ҳимоя қилган сербиялик ҳимоячи Иван Йосович "шунқорлар" сафига қайтиш арафасида турибди. Буни футболчининг ўзи сайтимизга маълум қилди. 

"Менда бир нечта вариантлар бор эди. Якунда "Қўқон-1912" билан келишувга эришдим. Янги мавсумни шу жамоада бошлайман. Бахтиёр Ашурматов билан яна бирга ишлаш имконияти юзага келганидан хурсандман. Биз бу йил аввалги мавсумдаги натижамизни яхшилашга ҳаракат қиламиз. Қўқон мен учун иккинчи уйимдек бўлиб қолган. Жамоанинг ажойиб мухлислари бор. Шаҳар кўчаларида сайр қилар экансиз инсонларнинг ёқимли кайфиятига гувоҳ бўласиз. Ушбу жамоа мен ва оилам учун яхши танлов бўлишига ишонаман. Чемпионат бошлангач оиламни ҳам олиб келишни ният қилганман",- дейди Йосович.