Италияда профессионал футболчи коронавирус билан касалланди

Бу ҳақида "La Nazione" нашри маълум қилди. Футболчи ўз шахсини ошкор қилмасликка қарор қилган. Шуниси маълумки, у ҳозир Сиенадаги шифохоналардан бирининг юқумли касалликлар бўлимида. С Серия доирасидаги баҳс олдидан ўйинчи ўзини ёмон ҳис қилиб, ҳарорати кўтарилаётганини сезган. Шундан кейин у ўзини жамиятдан ажратишга, ёлғиз қолишга ҳаракат қилган. Маълум бўлишича, ҳозир футболчи ўзини анча яхши ҳис қилмоқда.

Эслатиб ўтамиз, айни пайтда Италия коронавирус кенг кўламда тарқаётган ҳудудлардан бирига айланди. Мамлакатда втрусдан зарарланганлар сони 450 нафар кишига етди. Бу Европадаги энг юқори кўрсаткич ҳисобланади. 

Аввалроқ А Серия 26-туридан ўрин олган 6та баҳс мухлисларсиз ўйингоҳларда ўтказилиши ҳақида хабар бергандик.