Испан клуби "Ливерпуль"дан Оригини сотиб олмоқчи
26 июн 2019 11:53
Новости

Испан клуби "Ливерпуль"дан Оригини сотиб олмоқчи

Испаниянинг "Бетис" клуби "Ливерпуль" ҳужумчиси Дивок Оригини қўлга киритмоқчи.

Испания клуби 24 ёшли белгиялик футболчи учун 10 миллион фунт стерлинг тўлашга тайёр. Ўйинчининг "қизиллар" билан тузган шартномаси келаси мавсум сўнггида якунига етади.

Ориги "Лилль" тарбияланувчиси ҳисобланади ва профессионал футболчилик фаолиятини айнан шу клубда бошлаган. Дивокни 2014 йилда "Ливерпуль" сотиб олган ва турли йилларда "Лилль" ва "Вольфсбург" клубларига ижарага берган.

Футболчи якунланган мавсум барча турнирларда 26та ўйинда майдонга тушиб, 7та гол ва 1та ассист қайд этган.

Эслатиб ўтамиз, "Бетис" якунланган мавсум Испания чемпионатида 11-ўринни эгаллади.