RU

Последние новости

01:55Лига 1. Хвичанинг дубли ПСЖга "Осер" устидан ғалабани тақдим этди  0 01:14"Ливерпуль" янги битимни эълон қилди  1 00:47Баҳром Ҳайдаров: "Иккита мағлубиятдан сўнг фожиа ясаш нотўғри"  2 00:45Гвардиола мавсумда 16 та ўйинда мағлуб бўлди. "Ман Сити" устози фаолиятидаги антирекордни янгилади  4 23:38Рўзиқул Бердиев: "Қўқон-1912" анча курашувчан жамоа эканлигини билардик"  4 23:30Саудия Арабистони чемпионати. "Ал Файҳа" сўнгги дақиқаларда урилган голлар эвазига "Ал Ухдуд"ни мағлуб этди, Шукуров 90 дақиқа ўйнади  1 22:46Суперлига. "Шўртан" мавсумдаги илк ғалабасини бир киши кам бўлиб қолган "Андижон" устидан қўлга киритди  81 22:31Англия кубоги. "Манчестер Сити" финалда "Кристал Пэлас"га мағлуб бўлиб, жорий мавсумда соврин ютиш имкониятини қўлдан чиқарди  85 21:51Вадим Абрамов: "Жуда ёмон ўйин намойиш этдик. Мухлислардан узр сўрайман"  3 21:31Улуғбек Бакаев: "Мағлубиятли сериядан сўнг қайд этилган дурангни яхши натижа деб ҳисоблайман"  9 21:20"Ливерпуль" 35 млн евролик трансферни амалга оширмоқда  4 20:57Суперлига. "Қўқон-1912" ўз майдонида "Насаф"га мағлуб бўлди   28 20:42Германия Бундеслигасида 2024/25 йилги мавсум якунланди  3 20:38РПЛ. "Рубин" меҳмонда учта тўп ўтказиб, мағлубиятга учради, Ашурматов бу сафар ҳам захирада қолдирилди  2 20:00Суперлига. Захирадан тушганлар ўзини кўрсатган "Бухоро" – "Динамо" ўйинида жанговар дуранг қайд этилди  25

Ислом Тўхтахўжаев: "Ўйинни жамоалар эмас, ҳакамлар ҳал қилганидан кейин алам қилади. Тўп қўлимга тегмади" Новости

Ислом Тўхтахўжаев: "Ўйинни жамоалар эмас, ҳакамлар ҳал қилганидан кейин алам қилади. Тўп қўлимга тегмади"

Навоийнинг "Қизилқум" жамоаси кеча Тошкентда "Пахтакор" меҳмони бўлди.

 Муросасиз кечган баҳсда Ҳамиджон Актамов шогирдлари ортга 2:4 ҳисобида мағлубият билан қайтишди. 

Мазкур учрашувдаги ҳакамлик, улар йўл қўйган хатолар айни пайтда муҳокама марказида бўлиб турибди. Айниқса "Қизилқум" дарвозасига белгиланган иккита пенальти борасида баҳс-мунозара тўхтаётгани йўқ. Ҳусусан ўйиннинг 37-дақиқасида ҳакам томонидан "Пахтакор" дарвозаси томон белгиланган пенальтида тўп Ислом Тўхтахўжаевнинг қўлига тегди, деб топилди. Такрорий вазиятлар бу борада қарор хато эканлигини кўрсатяпти. Барчасига аниқлик киритиш мақсадида тажрибали ҳимоячига юзландик. 

- Ушбу учрашувда "Пахтакор" чемпионликни расмийлаштириши тахмин қилинганди. Ғалаба учун бор кучларини ишга солишлари аниқ эди. Шундай экан "Қизилқум" бу ўйинга қандай руҳда келди?

- Биз ҳам фақат ғалабани кўзлаган ҳолда майдонга тушгандик. Дарвозамизга белгиланган иккинчи пенальти жамоамизни руҳан синдириб қўйди. Чунки бундай паллада йўқ жойдан пенальти белгилангандан кейин ўйинга қайтиш руҳан жуда қийин. 

- Ўйиндан кейинги матбуот анжуманида жамоа бош мураббийи Ҳамиджон Актамов ҳакамлик ҳақида кескин фикрларни билдирди. Сизнинг муносабатингиз қандай? Ҳакамлик билан боғлиқ бундай ҳолатлар футболимиз савиясига қай даражада таъсир қилмоқда?

- Албатта. Баҳсдан сўнг барча асабий ҳолатда эди. Бир томондан алам қиладида. Учрашувга шунча вақт тайёргарлик кўрасиз. Жамоада фақат футболчилар эмас, бошқа ишчилар ҳам бор. Шифокорлар, маъмурлар ва ҳоказо. Улар ҳам оила боқиши керак. Учрашув тақдирини жамоалар эмас, ҳакамлар ҳал қилгандан кейин шундайда. Майли, ўйинни бошқарган ҳакам ёш, деб умид қилиб қоламиз. Ўйинлар орқали тажриба тўплаб яхши савиядаги ҳакам бўлсин. 

- Келинг барчасини очиқ-ойдин айтсангиз, ўша вазиятда тўп қўлингизга тегдими?

- Тўп тиззага эмас, товонимга тегди. Менимча ҳакам қўли билан қайтарди, деб ўйлади. Аслида бу ёрдамчи ҳакам кўриши керак бўлган нуқта саналади. Кўпчилик оёғидан сўнг қўлига тегди демоқда. Оёғимга теккандан кейин ҳам қўлимга тегмади. Футболда бўлиб турадиган ҳолат. Шуниси билан ҳам қизиқ. Балки ВАР бўлганида ҳакамларга осонроқ кечарди. 

- Бу йилги Суперлига мавсуми охирлаб бормоқда. Мавсум ўртасидаги зерикарлилик ва темпнинг пасайгани нима билан боғлиқ бўлиши мумкин? Мавсум якунига етиш арафасида хулосалар юзага келиши табиий...

- Охирги турлар финал мақомида ўтади, десам янглишмайман. Буёғига оддий ўйинлар бўлмайди. Билмадиму, чемпионатимиз савияси йилдан-йилга тушиб бораётганга ўхшайди. 

- "Қизилқум" ўйинида тактик ранг баранглик кўзга ташланмоқда. Жамоада тажрибали футболчилар кўп. Клубнинг эгаллаб турган ўрни ҳақида нима, дея оласиз?

- Албатта бу Ҳамиджон Актамов бошчилигидаги мураббийлар штабининг меҳнати маҳсули. Менимча жамоамиздаги тажрибали футболчилар билан эгаллаб турган ўрнимиз ўзимизга ярашмайди. 

Абдулазиз Искандаров 

Рейтинг: +8   

Комментарии

championat.asia
< посмотреть последние новости
Яндекс.Метрика