Исконинг немис клубига трансфери барбод бўлди. Сабаби маълум

Испаниялик ярим ҳимоячи Иско "Унион"га ўтишга яқин эди. Тажрибали ярим ҳимоячи 2024 йил ўрталарига қадар шартнома имзолаши керак эди, бу эса унга жамоадаги энг кўп маош олувчи футболчи мақомини кафолатларди.

Иско Берлинда пайдо бўлди ва ҳатто тиббий кўрикдан ўтди. Бироқ келишув охир-оқибат барбод бўлди.

"Биз Искони жамоада кўришни истагандик, аммо имкониятларимиз чекланган. Аввалги келишувлар бугун ошириб юборилди, шунинг учун трансфер амалга ошмади", – деди "Унион" спорт директори Оливер Рунерт.

Испаниялик футболчи ҳозирда эркин агент ҳисобланади. 30 ёшли ярим ҳимоячининг сўнгги клуби "Севилья" бўлиб, у жамоани 2022 йилнинг декабрида тарк этган эди.