Инфантино 2025 йилги клублар ўртасидаги ЖЧ футбол тарихида янги саҳифа очишини таъкидлади
30 сен 2024 18:47
Новости
Инфантино 2025 йилги клублар ўртасидаги ЖЧ футбол тарихида янги саҳифа очишини таъкидлади
"Футбол сайёрамиздаги энг оммабоп спорт тури бўлиб, 2025 йилда клублар ўртасидаги футболнинг янги даври бошланади ҳамда ФИФА томонидан АҚШдаги энг катта ва энг инклюзив турнир бўлиб ўтади. Сайёрамизнинг энг яхши клублари футбол тарихида янги саҳифа яратади.
Турнир глобал клуб футболидаги ҳамжиҳатлик ва инклюзивликнинг ёрқин намунаси бўлиб, Африка, Осиё, Марказий ва Шимолий Америка ҳамда Океания жамоаларига Европа ва Жанубий Американинг энг кучли жамоаларига қарши курашиш имкониятини беради. Ушбу ноёб мусобақа клуб футболи ривожига сезиларли таъсир кўрсатади ва бутун дунё бўйлаб янги истеъдодларни кашф этади", – деди Инфантино ФИФА расмий сайтига.
Эслатиб ўтамиз, 2025 йилги клублар ўртасидаги жаҳон чемпионати 15 июндан 13 июлга қадар АҚШда ташкил қилинади.
Аввалроқ ФИФА мусобақага мезбонлик қиладиган стадионлар рўйхатини маълум қилган эди.
Похожие новости
championat.asia
"Пахтакор" голи инобатга олинмаган "Бухоро"ни мағлуб этиб, Ўзбекистон кубоги соҳибига айланди
Суперлига. "Насаф" "Навбаҳор" майдонида очко йўқотди
Эксперт ҳакамлар гуруҳи "Пахтакор" ва "Бухоро" учрашувидаги баҳсли вазият юзасидан хулоса берди
Педри ва Ямаль "Эл Класико"дан кейин ижтимоий тармоқларда Карвахални кузатишни тўхтатди
Комментарии