Иньеста: “Дерби - ҳар доим ўта муҳим беллашув”

Ушбу жамоалар қарама-қаршилиг узоқ тарихга эга. Шу сабаб мазкур учрашувда стадион мухлислар билан тўлиб тошади. Андрес Иньеста ўзи учун “Эспаньол”га қарши кечадиган 28-дербида иштирок этиш ниятида.

“Бу ҳар доим биз учун ўта муҳим баҳс бўлиб келган. Мен илк марта 12 ёшимда уларга қарши майдонга тушганман. Ўшанда ўйиндан бир ҳафта олдин ушбу жамоага қарши ўзимни тайёрлай бошлаганман”, дейди “Барса” сардори “Barca TV” журналистига берган интервьюсида.

“Эспаньол”нинг ҳозирги ҳолати борасида

“Чемпионат старти улар учун кутилганидек бошланмади. Аммо шунга қарамай рақибимиз жуда яхши ҳимояланади ва шу сабаб бизга осон бўлмайди. Биз ўз майдонимизда ўзимиз истаган футболни намойиш этишга ҳаракат қиламиз. Ўйлайманки, ғалаба қозониш учун бизда яхши имкониятлар бўлади.

Ўзининг жисмоний ҳолати борасида

“Ўзимнинг аввалги ҳолатимга қайтишим ва асосий таркиб учун курашишим лозим. Мен ўзимни ушбу жамоанинг бир бўлаги сифатида ҳис қиламан ва ўйлайманки, бу ҳолат кўплаб йиллар давом этади.