Иброҳим Ибрагимов: "Хорижлик мураббийнинг кўрсатмаларини тўлиқ англамагандирмиз"
11 мая 2025 11:48
Новости

Иброҳим Ибрагимов: "Хорижлик мураббийнинг кўрсатмаларини тўлиқ англамагандирмиз"

Суперлиганинг 9-туридан ўрин олган "Пахтакор" – "Бухоро" (6:0) учрашувидан сўнг мезбонлар ярим ҳимоячиси Иброҳим Ибрагимов ўз фикрлари билан ўртоқлашди.

"Бугун томошабоп ва голларга бой ўйин бўлди. Бу ўйинга яхши тайёрагрлик кўргандик. Мураббий кўрсатмаларини тўлақонли бажардик. Қолаверса, ўз майдонимизда, ўз мухлисларимиз қаршисида ғалаба қозонмасак бўлмасди.

Бугун кўпгина жамоадошларимнинг қайдномадан ўрин олмаганига ҳеч қандай сабаб йўқ. Уларнинг баъзилари шамоллаб қолишди, баъзиларида жароҳат мавжуд. Жамоада ҳаммаси яхши.

Майдонга ҳар ўйинда яхши ният билан тушаман. Фақат гол уриш эмас, балки жамоадошларимга голли узатмалар амалга ошириш истагида бўламан. Умуман олганда, жамоамга фойдам тегиши мен учун энг катта натижа ҳисобланади. Голимни ота-онам, оила аъзоларимга бағишлайман.

Ҳа, бизнинг натижаларимизда стабиллик етишмаяпти. Тўғрисини айтсам, сабабини билмадим. Хорижлик мураббий билан таржимон орқали мулоқот қилардик. Эҳтимол, биз футболчилар унинг кўрсатмаларини тўлиқ англамагандирмиз", деди 24 ёшли футболчи.

Ссылка :

Источник : championat.asia

Получайте новости прямо в Telegram!

Рейтинг: