Футзал. Ўзбекистоннинг чорак финалдаги рақиби - Вьетнам

Бироз аввал "A" гуруҳида 3-тур ўйинлари бўлиб ўтди. Унга кўра, Вьетнам мезбон Хитой Тайпеини 3:1 ҳисобида таслим этди ва гуруҳда биринчи бўлди. Энди испаниялик Мигел Родридо бошчилигидаги вьетнамликлар чорак финалда Баҳодир Аҳмедов бошқарувидаги Ўзбекистонга қарши баҳс олиб боради.
Баҳрайн эса Малайзияни 3:1 ҳисоби билан енгди ва гуруҳдан иккинчи ўрин билан плей-оффга йўл олди. Баҳрайнликларни у ерда бугун бизни мағлуб этган Япония кутиб турибди.

Футзал бўйича ОЧ-2018
3-тур, 05.02.2018
"A" гуруҳи

Хитой Тайпеи - Вьетнам 1:3

Малайзия - Баҳрайн 1:3

"A" гуруҳида якуний ҳолат

Эслатиб ўтамиз, мусобақанинг чорак финал ўйинлари 8 февраль куни ўтказилади.