Футзал. Илҳом Ҳамроев: "Чемпионлик учун курашамиз"

Ўйиндан кейин жиззахликлар етакчиси Илҳом Ҳамроев билан суҳбатлашдик.

- Қийин ўйин бўлди, деб гап бошлади Ҳамроев. Бизда ғалаба га бўлган иштиёқ кучли эди. Шу боис яратилган вазиятларимиздан фойдаланиб якунда ғалабага эришдик.

АГМК ҳақида

- Мен бу жамоада тўп тепганман ва уларни жуда яхши биламан. Чемпионлик учун курашаётган жамоа ҳисобланади. Шу куни биз чемпионатнинг энг кучли жамоасини мағлубиятга учратди к.

"Локомотив"дан учралган мағлубият хусусида

- Яратилган вазиятларимиздан унумли фойдалана олмадик. Омад келмади. Бу эса мағлубиятга сабаб бўлди.

Чемпионлик учун кураш борасида

- Чемпионат баҳслари энди бошланди. Бу йил бир нечта жамоалар ғолиблик учун курашади. Жумладан, биз ҳам бош совринни қўлга киритишни истаймиз. Камроқ очко йўқотган жамоа чемпионлик унвонини қўлга киритади.

Клубда яратилган шароитлар тўғрисида

- Шароитлар аъло даражада. Вилоят ҳокими ва жамоа раҳбарияти футболчилар учун барча шароитларни яратиб берган. Уларга шу ўринда миннатдорчилик билдираман.