RU

Последние новости

15:20"Лидс" — "Тоттенхэм". Таркиблар маълум  1 15:14"ФарДУ" — "Олимпик MobiUz". Таркиблар маълум  0 14:55Миржалол Қосимов: "Тўйдан олдин ноғора чалиб бўлмайди. Ҳаммаси Лёвдан бошланди"  11 14:26Бугун Ўзбекистон Пролигасида 4-давра ўйинлари старт олади  1 13:37"Ман Сити" футболчиси билан шартномани 2031 йилга қадар узайтирди  1 13:13U-20 жаҳон чемпионати-2027. Финалга Ўзбекистон мезбонлик қиладими ёки Озарбайжон?  9 12:50Суперлиганинг 23-турида ҳакамлик таҳлили: нотўғри четлатиш ва белгиланмаган пенальти  4 12:25ЎФА "тилга кирди" ва Каннаваро билан музокаралар ўтказилаётганини маълум қилди  42 12:22Фати "Монако"да ойнинг энг яхши футболчиси деб топилди. "Барса"дан ижарага олинган вингер 3 та ўйинда 4 та гол урди  6 11:58"Реал", "Атлетико" ва МЮнинг собиқ 28 ёшли футболчиси "Интер Майами"га ўтиши мумкин  2 11:27МЮ ва "Ман Сити" "Бавария" футболчи билан боғланди  5 10:58Мареска "Ливерпуль"нинг ҳозирги даражасини баҳолади  3 10:35Андро Гиоргадзе: "Суперлигада қолиш учун курашишимиз керак"  0 10:12"Қўқон-1912" 7 йиллик танаффусдан сўнг Олмалиқдан ғалаба билан қайтган учрашувдан ГАЛEРEЯ  3 10:02ЎФА терма жамоалар бўлими собиқ раҳбари: "Мен бу циркнинг бир қисми бўлишни истамадим"  65

Футзал. Бугунги ўйинлардан кейин мураббийлар фикрлари Новости

Футзал. Бугунги ўйинлардан кейин мураббийлар фикрлари

Теги :  футзал
Бугун бўлиб ўтган футзал бўйича Ўзбекистон чемпионатининг 4-тур 1-кунги баҳсларидан кейин мураббийлар шундай фикрларни билдиришди.

Александр Петров (АГМК футзал жамоаси бош мураббийи):

 – “Насаф” билан ўйинимиз қийин кечди. Рақибларимиз жиддий қаршилик кўрсатишди. Биринчи бўлимда ҳисобда олдинда боришди, биз ҳатто пенальтидан ҳам фойдалана олмадик. Лекин шогирдларимга раҳмат, ўзларини йўқотиб қўйишмади, оҳиригача курашишди ва керакли натижани қайд этишди. Камчиликларимизни ўрганамиз, таҳлил қиламиз. Таркибимизнинг ярми янги келган йигитлардан иборат, уларнинг жамоа билан мослашиб кетиши учун вақт керак бўлади. Ишлашда давом этамиз.

Алишер Юсупов (“Насаф” футзал жамоаси бош мураббийи): 

- Гарчи мағлубиятга учраган бўлсакда, ўйин жуда чиройли ўтди. Мазмунли хатти-ҳаракатлари учун шогирдларимдан миннатдорман. Аслида ўйин тенг курашлар остида кечди, рақиб дарвозаси олдида юзага келтирган бир қатор хавфли вазиятлардан фойдалана олмадик. Фақат ўз хатоларимиз эвазига очко йўқотдик. Рақибимиз АГМК жамоасини ғалаба билан табриклайман.

Шуҳрат Ташмедов (“Пахтакор” футзал жамоаси бош мураббийи):

- Ўйинни ёмон бошламадик, айниқса дастлабки тўрт дақиқада рақиб дарвозасига тезкор учта гол киритганимиз бизнинг фойдамизга ишлади. Футзалчиларимиз бироз хотиржамликка берилишгандек бўлганида рақибларимиз гол уришди. Кейин барибир ўйин тизгини яна ўзимизда бўлди. Иккинчи бўлимда ҳам шу вазият – биз томондан тезкор голлар, рақибнинг жавоби, яна шогирдларимнинг маҳорати... “Строител-Зарафшон” таркиби анча ёшарган, лекин биринчи турдаги ўйин услубига нисбатан ижобий ўзгаришлар кўзга ташланди. Бир сўз билан айтганда тажриба эвазига биз ғалаба қозондик. 

Искандар Маҳмудов (“Строител-Зарафшон” футзал жамоаси бош мураббийи): 

- Рақибимиз техник ва тактик томондан бизга нисбатан анча кучли. Бизникилар энди-энди ўйин амалиётига эга бўлиб, тажрибаларини ошириб боряпти. Давралар оралиғида тажрибали футзалчиларни жалб этиб, ўйинимизни шакллантирмасак бўлмайди. Насиб қилса иккинчи даврада муваффақиятсиз серияларимизга чек қўйишга ҳаракат қиламиз.

Абдулла Бўриев (“Бунёдкор” футзал жамоаси бош мураббийи): 

- Ўзингиз гувоҳи бўлганингиздек, йигитларим Ўзбекистон терма жамоасига қарши тўп сургандек бўлишди. Сабаби, рақибимиз таркибининг 80% терма жамоа аъзолари, уларнинг аксарияти эса Жаҳон чемпионати иштирокчиси. Шундан келиб чиқиб ўйинни осон кечмаслигини билардик.

Кучли жамоага қарши алоҳида ўйин услуби ишлаб чиқдик. Шогирдларим барча талабларимни бажаришди, рақибга қарши муносиб ҳаракат қилишди. Ортда бориб ҳисобни тенглаштирдик ҳам. Лекин ўзимиз йўл қўйган майда хатолар, қолаверса, рақибнинг халқаро тажрибаси туфайли мағлубиятга учрадик.

Эртага янада кучли рақибга қарши майдонга тушамиз. Имкон қадар хатоларимизни камайтириш, рақибдан устун келиш йўлларини излашимиз учун эса вақтимиз кўп эмас, лекин ҳаракатни давом эттирамиз.

Баҳодир Аҳмедов (“Huaxin-Жиззах” футзал жамоаси бош мураббийи): 

- “Бунёдкор” жамоаси футзалчи ва мураббийларига раҳмат айтмоқчиман. Жуда чиройли, мазмунли ўйин намойиш этишди. Бугун ҳам аввалгилардек кўплаб майда хатоларга йўл қўйдик, қанчадан-қанча вазиятлардан фойдала олмадик. Лекин олдимизга қўйган асосий вазифани бажардик – уч очкони қўлга киритдик. Кейинги ўйинларда имкон қадар хатоликка йўл қўймаслик, янада мазмунли ўйин намойиш этишга ҳаракат қиламиз.

Абдужаббор Ғаппоров (“Максам-Чирчиқ” футзал жамоаси бош мураббийи):

- Мавсумдаги энг ёмон ўйинларимиздан бири бўлди. Қанчадан-қанча вазиятларни кўкка совурдик. Ваҳоланки бекободликлар таркибида дарвозабон бўлмаган ўйинчи дарвозани қўриқлади. У маҳорат кўрсатди демаган бўлардим, бизникилар тепган тўплар унга бориб тегаверди. Аксинча, улар ҳар бир вазиятдан унумли фойдаланишди. Бугун рақибимиз кучли кўринди – тўп билан ва тўпсиз ҳаракатларда ҳам, таблодаги ҳисобда ҳам. Уларни табриклайман.

Равшан Ражабов (“Металлург” футзал жамоаси бош мураббийи):

- Бугун шогирдларим ўйинидан кўнглим тўлди. Ҳам чиройли, мазмунли тўп суришди, ҳам якунда кучли рақиб устидан ғалаба қозонишди. Ютуғимизнинг бош омили эса ҳимоявий тактикани танлаганимиз бўлди. Навбатдаги учрашувда эса рақибга қараб тактика яна ўзгаради. Муҳими - шогирдларим ўгитларимдан тўғри хулоса чиқаришаётганлигида.

Рейтинг:    

Комментарии

championat.asia
< посмотреть последние новости
Яндекс.Метрика