"Футбол ретро талқинда" (46-сон)
25 мая 2020 01:16
Новости

"Футбол ретро талқинда" (46-сон)

Ушбу рукнимиздан тарихга айланган, аммо ҳар бир футбол мухлисига завқ бағишлайдиган фотосуратлар жой олади.

12 йил олдинги сакраш...

Сеҳргарлар ўз сеҳрини бир-бирига тушунтиряпти ёхуд Зинедин Зидан (Франция) ва Андреа Пирло (Италия). 2006 йил.

"Менга инглиз клублари ва яна иккита итальян клубидан таклифлар келиб тушди. Улар орасидан "Милан"ни танладим. Кака ҳамда Роналдиньо билан ўйнашдан бош тортиш ақлга сиғмасди", - Дэвид Бекхэм.

Битта расмда икки афсона: Роналдо ва Баджо.

"Рома"да тўп тепиш "Олтин тўп"ни ютишдан кўра муҳимроқ, деб айтган Франческо Тотти (Италия термаси) ва 2003 йилги "Олтин тўп" эгаси Павел Недвед (Чехия термаси).

2009 йили “Вольфсбург” билан Германия чемпионлигини қўлга киритган Эдин Жеко ва Графите.

Диего Симеоне (“Атлетико Мадрид”) Копа дель Рей билан. 1996 йил.

Ёш Пеле "Сантос"даги фаолиятини бошламоқда. 1956 йил.

ЖЧ ғолиби, Италия терма жамоаси ярим ҳимоячиси Бруно Конти, унинг олдида Италия президенти Алессандро Пертини. 1982 йил.

"Бавария" футболчилари қишки машғулотларда: Франц Беккенбауэр, Герд Мюллер, Франц Рот, Зепп Майер и Райнер Цобель. 1971 йил.

Ўша машҳур соч турмаги билан танилган нигериялик ҳимоячи Тарибо Уэст Европадаги фаолиятини 1993/94 йилги масум Франциянинг "Осер" клубида бошлаган.

Тарибо Уэст

Финалда "Барселона"ни мағлуб этиб, Чемпионлар Кубоги(ҳозирги Чемпионлар Лигаси)ни ютган "Стяуа". Расмда мураббий Эмерик Еней ва унинг ёрламчиси Ангел Йордэнеску, орқада ўйин қаҳрамони, дарвозабон Хельмут Дукадам. 1986 йил.

Ёш Карлес Пуйоль ва Хави "Барселона"нинг иккинчи таркибида. 1998 йил.

Каспер Шмейхель 2007 йили Шотландиянинг "Фолкирк" сафида. Орадан 9 йил ўтиб, у "Лестер" билан АПЛ тарихига кирди.

Франк Райкард ва болакай Уэсли Снейдер.

Германиянинг 1998 йилдаги энг яхши ўйинчиси Оливер Бирхофф "Милан" таркибида.

Афсонавий Тьерри Анри "Ювентус" сафида. 1999 йил.

"Динамо" (Киев). 2000/2001 йилги мавсум.

Маълумот учун, ўзбекистонлик Максим Шацких (юқорида чапдан иккинчи) 10 йил давомида ушбу клубда ўйнаган.

Бишенте(Биксант) Лизаразю (Франция терма жамоаси). 2004 йил. У деярли ҳамма катта совринларни ютган (Жаҳон ва Еврора чемпиони, Чемпионлар Лигаси ғолиби). Ҳа айтганча, Лизаразю жиу-житсу бўйича 2009 йилги Европа чемпиони ҳам ҳисобланади.

"Эвертон" афсонаси, марҳум Алан Болл. 1968 йил.

Россиялик ҳужумчи Роман Павлюченко ("Тоттенхэм Хотспур").

1996 йилги ЕВРОда порлаган чехиялик Карел Поборски ("Манчестер Юнайтед").

Испаниянинг 5 карра чемпиони Микаэль Лаудруп ва статистикаларга қараганда, ҳар уч ўйинда битта гол урган Рональд Куман "Барселона"да.

"Парма". 1998/1999 йилги мавсум.

Бонус. "Барселона" собиқ президенти Жоан Лапорта ва ЎФФ собиқ президенти Мираброр Усмонов "Бунёдкор" стадионига биринчи ғиштни қўйишган. 2008 йил.