Футбол мухлислари диққатига! Терма жамоамизга ёрдам беришни истайсизми?
19 ноя 2019 09:31
Новости
![](https://championat.asia/upload/storage/529684_original.jpg)
![](/upload/storage/529684_220.jpg)
Футбол мухлислари диққатига! Терма жамоамизга ёрдам беришни истайсизми?
Ҳа, Ўзбекистон терма жамоаси ўтган турда Саудия Арабистонига ютқазиб қўйди, сўнгги дақиқаларда иккита гол ўтказиб аламли тарзда 3 очкони қўлдан бой берди. Тўғри аммо тан олиш керак ўша баҳсда терма жамоамиз ёмон ўйнамади, сўнгги дақиқалардаги омадсизлик ва рақиб футболчиларининг индивидуал маҳорати эвазига имконият бой берилди. Кейинги босқичга чиқиш учун имкониятимиз бор ва ундан фойдаланишимиз керак. Барча футболчиларнинг, мураббийларнинг мақсади шу.
Кеча Фаластин бош мураббийи Нуриддин Оулд Али ўйинолди матбуот анжумани якунлангач хонадан чиққач журналистлардан "Эртага стадион тўладими?" деб сўради. Бунга жавобан катта эҳтимол билан бундай бўлмаслиги айтилди. Шунда рақиб бош мураббийи жуда ҳам хурсанд бўлиб кетди ва бизга қанча кам мухлис келса шунча яхши деб қўйди.
Қадрли футбол мухлислари! Биламиз Саудия Арабистонидан учралган мағлубиятдан хафасиз, тўғри терма жамоамиз жуда муҳим ўйинни бой бериб қўйди. Аммо бугун ҳам очко йўқотилса жуда ҳам қимматга тушади. Шундай экан Фаластинни ўз майдонида ўйнагандек ўйнамаслиги учун стадионга келинг ва терма жамоамизни қўллаб қувватланг! Ватанимиз ҳам, терма жамоамиз ҳам битта!
Илтимос бу хабарни дўстларингизга ҳам юборинг, "Пахтакор" стадионида қанчалик кўп мухлис бўлса Фаластинга шунча қийин бўлади. Стадионга келинг ва ғалабага ўз хиссангизни қўшинг!
Айни пайтда учрашув чипталари савдоси iticket.uz сайтида, шаҳар бўйлаб ўрнатилган махсус касса-шахобчалари ҳамда “Пахтакор” стадиони кассаларида давом этмоқда.
Футбол мухлисларидан чипта ҳарид қилишда эътиборли бўлишларини сўраб қоламиз. Чипталарни фақатгина iticket.uz расмий кассалари, “Пахтакор” стадиони кассаларида ва интернет орқали ҳарид қилинг, қалбаки чипталардан эхтиёт бўлинг! Батафсил маълумотлар iticket.uz сайтида.
Нарзулла Сайдуллаев
Похожие новости
![AMP Logo](https://championat.asia/image/logo-amp.png)
Комментарии