RU

Последние новости

02:12Дибала "Рома"да 13-марта жароҳат олди  0 01:17Европа лигаси. Моуринью жамоасидан йирик ғалаба ва бошқа натижалар  0 00:57"Манчестер Юнайтед" Гёкереш борасида бир қарорга келди  3 00:38Саудия Арабистони. "Ал Насср" муҳим ўйинда ғалабага эришди, 70 миллионлик Дуран баҳс тақдирини ҳал қилди  4 00:15Коло-Муани "Ювентус"га ўтишига ким кўндирганини айтди  0 23:56Европа лигаси. "Порту" - "Рома" ва бошқа учрашувларнинг асосий таркиблари маълум!  8 23:45"Барселона" 5 ҳужумчи номзодини кўрмоқда  3 23:23Жоау Канселу: "Гвардиола - даҳо"  7 22:44"Ювентус" собиқ футболчисига 6 ойлик шартли қамоқ жазоси берилди  2 22:13Офсайдни аниқлашнинг ярим автоматик тизими Англия футболига ҳам кириб бормоқда  0 21:50ЕЧЛда ҳафта футболчиси маълум қилинди  14 21:13"Андижон" назорат ўйинида "Шахтёр"ни енгди  8 20:49"Сурхон" Туркия йиғинини ғалаба билан якунлади  0 20:31"Андижон" "Бобур Арена"ни ОЧЛга тайёрламоқда  9 20:02"Мен "Манчестер Юнайтед"га умуман мухлислик қилмайман" — Рой Кин  7

"Футбол дўстлик учун" лойиҳаси бўйича матбуот анжумани бўлиб ўтди Новости

"Футбол дўстлик учун" лойиҳаси бўйича матбуот анжумани бўлиб ўтди

ФИФА ва футбол бўйича 2018 йилги Жаҳон чемпионатининг расмий ҳамкори бўлган “Газпром” компанияси “Футбол дўстлик учун” халқаро болалар лойиҳасининг олтинчи мавсуми старт олганини эълон қилди.

Лойиҳанинг асосий мақсади бутун дунёдаги ёш авлод ўртасида дўстлик, тинчлик, турли миллат ва маданият вакилларига ҳурмат каби юксак инсоний тушунчаларни тарғиб қилишдан иборат. 2018 йилда “Футбол дўстлик учун” лойиҳасида 211та мамлакат вакиллари иштирок этишади. Мавсумнинг якуни тадбирлари 8 июндан 15 июнга қадар Москва шаҳрида бўлиб ўтади.

2018 йилда Ўзбекистон футбол Ассоциацияси мазкур лойиҳада иккинчи марта иштирок этмоқда. Қуръага кўра бу йил Ўзбекистон шарафини яна ёш дарвозабон ҳимоя қилади.

6 март куни ЎФАга қарашли майдонда лойиҳада иштирок этадиган ёш дарвозабонни саралаб олишнинг якуний босқичи бўлиб ўтди. Номзодларни саралаб олиш уч босқичда ўтказилди: спорт кўникмалари ва жисмоний ҳолатни баҳолаш, тил бўйича билимлар синови ва ўзини намоён қилиш қобилияти. Ёш дарвозабонларнинг маҳоратига баҳони Анвар Рашидов (“Пахтакор”), Марат Галимов (“Бунёдкор”) ва Руслан Аҳмедхонов (“Локомотив”) каби тажрибали мутахассислар беришди.
Номзодни танлаб олиш жараёнидан кейин ЎФАнинг залида матбуот анжумани бўлиб ўтди.


“Биз ЎФА билан яна ҳамкорлик қилиш ва лойиҳада янги номларни кўришдан жуда мамнунмиз. “Футбол дўстлик учун” лойиҳасининг асосий мақсади бутун дунёдаги болаларни бирлаштириш. Лойиҳа 6-мавсумининг ўзига хослиги шундаки, жорий йилда экология муаммоларига катта аҳамият қаратилади.

Шу мақсадда бутун дунёдан келадиган болалардан ташкил топадиган футбол жамоалари номи ноёб ва йўқолиб бораётган жониворлар номи билан аталади. Очиқ қуръага кўра сизнинг дарвозабонингиз Мўғулистон, Люксембург, Исроил, Кайман ороллари ва Гибратлардан келадиган болалар билан биргаликда “Western Gorilla” деб номланадиган жамоадан ўрин олади”, - деди лойиҳа ташкилий қўмитаси аъзоси Анастасия Лялькина.

Матбуот анжумани давомида ёш дарвозабон Муслимбек Абдуманнопов ва ёш журналист Мардон Марупов йиғилганларга таништирилди.



12 ёшли Муслимбек Абдуманнопов “Бунёдкор” клуби академияси тарбияланувчиси ҳисобланиб, 2016 йилдан бери дарвозабон сифатида ўйнаб келади. Унинг шахсий рекорди битта ўйинда 11та сейвни амалга оширгани ҳисобланади. Муслимбек Абдуманноповнинг кумири – “Барселона” дарвозабони Марк Андре тер-Штеген. Мардон Марупов мактабда аъло баҳоларга ўқийди, гуманитар фанларни ёқтиради, футбол, теннис ва шахмат ўйнаш унинг хоббиси.


“Менинг фикримча, “Футбол дўстлик учун” лойиҳасининг асосий мақсади чет элга бориб, сайёҳат қилиб келиш эмас, балки турли мамлакатлардан келган болалар билан танишиш, уларнинг маданияти, урф-одатларини ўрганиш, улар билан дўстлашишдан иборат”.

“Футбол дўстлик учун” лойиҳасининг финал босқичи доирасида бу йил Москвада қуйидаги тадбирлар ташкил этилади: Халқаро дўстлик лагери, Турли миллат ва турли жинс вакиллари бўлган ёш спортчилар ўртасидаги дўстлик учун футбол бўйича 1-Жаҳон чемпионати, Жаҳон ва Россия футболи юлдузлари иштирокида Халқаро Болалар футбол форуми.

“Футбол дўстлик учун” лойиҳасини ФИФА, УЕФА, Халқаро Олимпия қўмитаси каби нуфузли ташкилотлар, Халқаро болалар жамғармалари, футбол юлдузлари ва фахрийлари қўллаб-қувватлашади.

Рейтинг: +3   

Комментарии

championat.asia
< посмотреть последние новости
Яндекс.Метрика