“Фиорентина” “Палмейрас” футболчиси учун 8 млн евро тўлади
06 июн 2017 00:45
Новости

“Фиорентина” “Палмейрас” футболчиси учун 8 млн евро тўлади

Италиянинг “Фиорентина” клуби Бразилиянинг “Палмейрас” жамоаси ҳимоячиси Витор Уго билан шартнома имзолаганини расман эълон қилди.

Италия матбуотидаги хабарларга таянадиган бўлсак, футболчининг трансфер суммаси 8 млн. еврони ташкил этган. Флоренцияликлар ва Уго ўртасидаги шартнома 4 йилга мўлжалланган.

Футболчи тиббий кўрикдан муваффақиятли ўтди ва бугундан машғулотларга қўшилади. Уго “Палмейрас” либосида жами 67 та ўйин ўтказиб, 8 та гол киритишга муваффақ бўлган. 26 ёшли футболчи ҳам Бразилия чемпионати, ҳам мамлакат кубогини қўлга киритди.