Фахрийлар турнири тугади. "Олмазор" - чемпион!

Жами 16та жамоа қатнашган ушбу турнир Ўзбекистон Республикаси Қуролли кучларининг 30 йиллиги ҳамда "14 январь - Ватан ҳимоячилари куни" муносабати билан ташкил қилинди.

Бугун Тошкент шаҳар футбол академияси майдонида дастлаб 3-ўрин учун баҳс, сўнгра ҳал қилувчи финал ўйини ўтказилди. 3-ўрин учун кечган баҳсда "Интерспорт" "Полёт" жамоасига қарши майдонга тушиб, 6:0 ҳисобида зафар қучди ва бронза медалларга эга чиқди. 

Финал учрашувида "Олмазор" ва "Биллур" жамоалари ўзаро тўқнаш келиб, бунда "Олмазор" футболчилари 3:0 ҳисобида ғалаба қозониб, бош совринни қўлга киритишди. "Биллур"га эса иккинчи ўрин насиб этди.

16 январь. ТФА стадиони

3-ўрин учун баҳс. "Интерспорт" - "Полёт" 6:0

Финал. "Олмазор" - "Биллур" 3:0

Мусобақа якунида ғолиб ва совриндорларни тақдирлаш маросими ўтказилди. Шунингдек, энг яхшилар ҳам тақдирланди. 

Энг яхши дарвозабон - Одилжон Рўзиев ("Биллур")

Энг яхши тўпурар - Бахтиёр Салимов ("Олмазор", 7та гол)

Мусобақанинг Энг яхши футболчиси - Қаҳрамон Муҳаммедов ("Олмазор")

Эслатиб ўтамиз, ушбу мусобақанинг бош ташкилотчиси Ўзбекистон "VETERAN" жангчи-фахрийлар бирлашмаси бўлиб, турнир Тошкент шаҳар футбол ассоциацияси, Мудофаа Вазирлигининг фахрийлар ишлари бўйича Марказий кенгаши ва бошқа ташкилотлар ҳамкорлигида ўтказилди.