Фабрегас: “Мбаппе Ла Лигадаги барча рекордларни янгилашга қодир”

“Унинг келажаги ўз қўлида. У қилаётган ишларни кимдир такрорлаганини кузатмаганман. Унда Роналду даражасида гол уриш учун куч ва қобилият мавжуд. Анри каби бироз ўзини ўйлайди, бу яхши маънода. У барчага энг зўри эканлиги айтади ва бу унга куч беради.

Анри билан шерикликда ўйнаганимизни эслайман ва олдида бўш жой очилганини кўришим билан осонлик билан бундан унумли фойдаланишини билиб, тўпни тезда унга оширардим, худди жамоада 12 футболчимиз бордек.

Мбаппе эса 23 ёшда, агар жароҳатлар уни четлаб ўтса, у яна 14 йил давомида юқори савияда ўйнайди. “Реал” билан алоқаларим йўқ, аммо гап-сўзларга қараганда у ўша ерга боради.

У идеал тарзда мос келади деб ўйлайман. У Ла Лигадаги барча рекордларни янгилашга қодир”, дейди Фабрегас.