Эвра Франция термасини Бензема билан боғлиқ ҳодиса сабабли танқид қилди

ЖЧ-2022га оз вақт қолганида ҳужумчи жароҳат орттириб олди ва шу сабабли Франция термасин ихтиёрини тарк этди. Тарқалган маълумотларга кўра, Уго Льорис ҳамда Антуан Гризманн ушбу ҳолатдан мамнун бўлишган.

"Одамийлик нуқтаи назаридан кичкинагина муаммо бор шекилли. Бундан жуда хафа бўлдим. Менимча, Карим бир қанча инсонларга ҳалақит қилган кўринади. Уни ҳеч ким қўллаб-қувватламади. Аслида бундай футболчи учун урушга чиқиш керак.

Аслида барчасини бош мураббий ҳал қилади, танлов унинг қўлида. Мен Дешам доимо футболчиларидан жамоани устун қўяди деб ҳисоблардим. Франция термаси ЖЧ-1998да чемпион бўлганларники деб ҳисоблашингиз нотўғри. 

Франция термаси ҳамманики. Аслида ким термага чақирилади, буни сиз ҳал қилишингиз керак. Чунки Сиз хато қилмайсиз, буни истамайсиз. Жамоангизда "Олтин тўп" соҳиби бор, йигитлар. Агарда термада ўйнаётган бўлганимда Карим келмагунча ҳеч нимани бошламасдим. Аммо термада унинг учун курашадиганларни кўрмадим", - деди Эвра.