"Эвертон" спорт директори: "Доннини захирада қолиб кетишини истамагандик"

"У бизнинг ёнгинамизда турганди. Ёзги трансферлар ойнаси очилганида биз "Юнайтед"га сўров юбордик. Ишлар яхши кетаётганди. Кейинчалик "Юнайтед" ишларни якунлашни истамади.

Трансферлар ойнаси ёпилишига оз вақт қолганида унинг агенти телефон қилиб, Доннини ижарага олиш мумкинлигини маълум қилди. Бу борада ҳам ишладик. Бироқ буни якунлаш учун вақт етмади.

Октябрь энди бошланди. Жароҳатлар кўпаяди. Устига устак "Юнайтед" кўплаб фронтларда кураш олиб бормоқда. Энди трансферни амалга ошириш қийин бўлса керак.

Албатта, Доннининг омади келмаяпти. Унинг захирада қолиб кетишини истамагандик. У ҳам терма таркибида ўйнашни истамоқда. Бироқ бундай клубларда босим, рақобат жуда юқори. Ўтган ҳафта хатто Роналду, Санчо ва Погба каби футболчилар захирада қолиб кетди", - деди Брандс.