Эшитдик-да! Вагиз Галиулин ва яна икки футболчи "Андижон"да
29 дек 2022 14:15
Новости

Эшитдик-да! Вагиз Галиулин ва яна икки футболчи "Андижон"да

Элитага қайтган "Андижон" таркибни кучайтиришда давом этмоқда.

Бизга маълум бўлишича, жамоа яна бир қатор футболчилар билан музокаралар олиб бормоқда. Булар – Вагиз Галиулин, Сардор Азимов ҳамда Бобур Акбаров.

Тажрибали ярим ҳимоячи Вагиз Галиулин шу пайтга қадар Россия Биринчи лигаси вакили "Нефтехимик" сафида ўйнаб келаётганди. Таниқли футболчи эндиликда "бургутлар" шарафини ҳимоя қилиши кутилмоқда.

Бундан ташқари, ярим ҳимоячи Сардор Азимов ва ҳимоячи Бобур Акбаров ҳам янги мавсумни андижонликлар сафида ўтказиши айтилмоқда.

Сардор Азимов ўтган мавсум "Қўқон-1912" таркибида 25 та ўйинда майдонга тушиб, 1 та голга ассистентлик қилганди. 33 ёшли ҳимоячи Бобур Акбаров эса ўтган мавсум "Сурхон" либосида 25 та ўйинда майдонга тушиб, "1+1" натижа кўрсатган ва 6 марта сариқ карточка олган эди.

Аввалроқ "Андижон" Фарҳод Бекмуротовни сафига қўшиб олганини маълум қилгандик.

Ссылка :

Источник : championat.asia

Получайте новости прямо в Telegram!

Рейтинг: +8