Эшитдик-да! Ўзбекистон МТЖ мартда Албания билан ўйнайди
11 фев 2023 15:03
Новости

Эшитдик-да! Ўзбекистон МТЖ мартда Албания билан ўйнайди

Ўзбекистон терма жамоаси Европа қитъаси вакилига қарши ўйин ўтказади.

Бизга маълум бўлишича, Сречко Катанец қўл остидаги Ўзбекистон термаси 24 март куни Албания пойтахти Тиранада ФИФА рейтингида 66-ўринни эгаллаб турган Албанияга қарши ўртоқлик баҳсида иштирок этади.

Бу беллашув ўтказилиши Википедияда ҳам қайд этилган.

Маълумот ўрнида, январь ойи бошида Албанияга янги мураббий тайинланганди. Бу – "Барселона" собиқ футболчиси, мураббийлик фаолиятида "Лион" ва "Коринтианс" клубларини бошқарган Силвиньо. У мамлакат футбол федерациясидан расмий баҳслар олдидан ўртоқлик учрашуви ташкил этиб беришни сўраган, чунки жамоани Евро-2024 саралашида Польша ва Чехияга қарши қийин ўйинлар кутиб турибди.

Аввалроқ миллий термамиз устози Катанец Туркияга бориб, ўзбек клублари ўйинларини кузатиб бораётгани ҳақида хабар берган эдик.

Ссылка :

Источник : championat.asia

Получайте новости прямо в Telegram!

Рейтинг: +17