Эронлик ҳужумчи Грециянинг 43 карра чемпиони сафига ўтди
13 янв 2017 18:15
Новости

Эронлик ҳужумчи Грециянинг 43 карра чемпиони сафига ўтди

Эрон терма жамоаси аъзоси Карим Ансарифард фаолиятини "Олимпиакос" клуби сафида давом эттиради.

Ансарифард 2015 йилдан буён Грециянинг бошқа бир клуби "Панионис" сафида ўйнаб келаётганди. Ўтган йил футболчи Греция Суперлигасининг энг чиройли голи муаллифи деб топилган эди. Ҳужумчининг трансферини "Олимпиакос" расмий сайти тасдиқлади.

Карим Ансарифард фаолияти давомида Эронда "Сайпа", "Персеполис", "Трактор Сози", Испанияда "Осасуна" клублари сафида ҳам фаолият олиб борган.

Эрон миллий терма жамоаси таркибида бугунга қадар 54та ўйинда майдонга тушиб 14та гол уришга эришган.

1925 йил ташкил топган "Олимпиакос" клуби бугунга қадар Грецияда 43 марта чемпион бўлган ва 27 карра Греция кубоги соҳибига айланган. Клуб иккала мусобақада ғолиб чиқиш бўйича Грецияда мутлоқ рекордчи ҳисобланади. Жамоани айни пайтда Португалия терма жамоаси собиқ устози Паулу Бенту бошқариб бормоқда.