Эрон. 19-тур. "Персеполис"да дуранг, "Сепахон"да мағлубият

Ҳамюртимиз Александр Лобанов ҳаракат қилаётган "Персеполис" жамоаси бу сафар "Зоб Ахан"га сафар уюштирди. Ушрашув шиддатли тарзда кечди. Стадионга келган мухлислар ўйинда жами тўртта гол кўришди. Дастлаб меҳмонларни Алишаҳ ҳисобда олдинга олиб чиққан бўлса, иккинчи бўлимда Ҳасанзадеҳ пенальтидан Лобанов дарвозасини ишғол этди - 1:1.

"Персеполис" жамоаси дурангга рози бўлмай олдинга қараб борди ва учрашувнинг 80-дақиқасида Алипур Лобанов жамоасини ҳисобда олдинга олиб чиқди - 1:2.
Аммо "Персеполис" ушбу ғалабани сақлаб қола олмади. Ўйин тугашига саноқли сониялар қолганида Лобанов ўз дарвозасидан иккинчи голни ўтказиб юборди. Қанотдан ошириб берилган тўпни Табризи боши билан дарвозага йўллади ва "Зоб Ахан"ни мағлубиятлар сақлаб қолди - 2:2.

Таъкидлаш жоизки, Александр Лобанов ўзининг янги жамоасидаги кетма-кет учинчи ўйинида 2тадан гол ўтказиб юборда. Ҳозирча Лобанов ўз дарвозасидан жами 6та гол ўтказиб юборди.



Бу турда яна бир ҳамюртимиз Фозил Мусаев ҳаракат қилаётган "Сепахон" жамоаси "Фулад" меҳмони бўлди. Бу баҳсда Фозил Мусаев жамоаси ўз ниятига эриша олмади. Учрашувда томошабинлар кўплаб голларни томоша қилишмаган бўлсада, майдонда жуда кескин кураш кечди. Учрашув тақдирини ҳал этган голни эса ўйиннинг 70-дақиқасида "Фулад" аъзоси Алешаке киритди - 1:0.


Шу тариқа ушбу турда Эрон чемпионатида иштирок этаётган легионерларимизнинг ҳеч бири ғалаба қозона олмади.

Эрон чемпионати, 19-тур.

"Зоб Ахан" - "Персеполис" 2:2
Голлар: Алишаҳ (36), Ҳасанзадеҳ (73-пенальтидан), Алипур (80), Табризи (90).

"Фулад" - "Сепахон" 1:0
Гол: Алешаке (70)