Элит ОЧЛ. "Пахтакор"нинг 1-турдаги рақиби сафидаги энг машҳур легионер ким? У Жаҳон ва Европа чемпионатларида гол урган

Ўзбекистон шарафини ҳимоя қилувчи "Пахтакор" клуби гуруҳ босқичини 17 сентябрь куни Тошкентда БАА чемпиони "Ал Васл" клубига қарши ўйин билан бошлайдиган бўлди.

"Ал Васл" таркибидаги энг машҳур легионер футболчи бу швейцариялик Харис Сеферович ҳисобланади. 32 ёшли ҳужумчи фаолияти давомида "Фиорентина", "Лечче", "Реал Сосьедад", "Айнтрахт Ф", "Бенфика", "Галатасарой", "Сельта" каби машҳур клубларда ўйнаган. 2013 йилдан буён Швейцария миллий терма жамоаси сафида 93 та ўйин ўтказган ва 25 та гол урган. Харис 2014 йил Бразилияда ўтган Жаҳон чемпионатида Эквадор дарвозасига тўп киритган. Евро-2020да эса Туркия ва Франция билан учрашувларда гол уришга эришган. 2019 йил Швейцарияда йил футболчиси деб топилган. 2009 йил U-17 Жаҳон чемпионатида ғолиб бўлган.