Элдор Шомуродов: "Шацких рекордини янгилашга эътибор қаратяпман"

Ўйин ҳақида

— Илк навбатда совуқ об-ҳаво бўлишига қарамасдан, стадионга ташриф буюрган мухлисларга миннатдорчилик билдираман. Биринчи бўлимда ўзимизни ҳар томонлама кўрсата олдик, деб ўйлайман. Ўйлаган режаларимиз амалга ошди. Гол уришга ҳам эришдик. Иккинчи бўлимда эса ҳимояга кўпроқ эътибор қаратдик. Ҳисобда олдинда бораётганимизда, асосан, гол ўтказмасликка ҳаракат қилдик. Шунга қарамай, ҳали камчиликларимиз бор, уларни тузатиш устида ишлаймиз. Қозоғистон терма жамоаси ҳам бугун яхши ўйин намойиш этди. 

— Терма жамоада тўп киритиш бўйича Шацкихнинг рекордини янгилаш учун битта гол қолди. Бунга қандай муносабат билдирасиз?

— Албатта, бу ҳодиса тарих саҳифаларидан ўрин олади, шу боис бунга эътибор қаратяпман. Рекордни янгилай олсам, уёғи енгилроқ бўлади деб ўйлайман.

— Олдинда Россияга қарши учрашув кутиб турибди...

— Ўйлашимча, Россияга қарши бугунгидан ҳам қийинроқ баҳс ўтказамиз. Сабаби улар нафақат жисмоний, балки тактик жиҳатдан ҳам анча кучли жамоа саналади. Лекин ўртоқлик ўйинида ўзимизни яхши томонлама кўрсатишга ҳаракат қиламиз", деди "Рома" ҳужумчиси.