Элдор Шомуродов: "Саудия Арабистони кучли, аммо..."

Бугунги машғулотларга "Ростов" клуби ҳужумчиси Элдор Шомуродов ҳам келиб қўшилди. Биз унинг фикрлари билан қизиқдик.

- Терма жамоа бир ҳафтадан буён йиғин ўтказмоқда, сиз бироз кечроқ келдингиз. Терма жамоага мослашишда қийинчилик бўлмадими?
- Жаҳон чемпионати доирасида учта ўйинда майдонга тушишга улгурдик. Шундай экан терма жамоага мослашиш талаб этилмайди деб ўйлайман. Барча йигитлар Саудия Арабистони билан ўйин аҳамияти қанчалик юқори эканлигини жуда яхши билиб туришибди. Биргликда бир жамоа бўлиб ғалаба қозонишга уринамиз.

- Бўлажак рақибимиз Саудия Арабистони ҳақида қандай фикрдасиз?
- Саудия Арабистони Россияда ўтган охирги Жаҳон чемпионати иштирокчиси ҳисобланади. Осиёда ўз ўрнига бўлган жамоалардан бири, лекин биз ўз майдонимизда ўз мухлисларимиз қаршисида ўйнаймиз. Шу боис фақат ғалаба учун интиламиз.

- Куни кеча Россия премьер-лигасида ўйинда майдонга тушдингиз. Жисмоний ҳолатингиз қандай, чарочоқ аломатлари сезилмаяптими?
- Йўқ, ҳаммаси жойида.

- Клубингиз сафидаги омадсизлик нима билан боғлиқ деб ўйлайсиз? Сабаби сиздан барча ҳар бир баҳсда гол кутади...
- Тўғри ҳамма гол кутади. Ҳар бир ўйинда гол уришга ҳаракат қиламан. Аммо бу футбол. Балки Саудия Арабистони билан баҳсда омадсиз серияга чек қўярман.