Эдгар Гесс: “Шогирдларимнинг ўйинидан кўнглим тўлди”

- Ўйиндан кўнглим тўлди. Агарда рақиб жамоа ўйинига баҳо берадиган бўлсак, бу жамоа яхши шаклланган. Бош мураббий ҳам 7 йилдан буён ишлаб келмоқда. Курашчан жамоа тузган. Қолаверса таркибидаги ўйинчилар ҳам тажрибалидир - дея гап бошлади Эдгар Яковлевич.

- Жамоамизнинг жисмоний жиҳатдан ўйинга тўла тайёр эмасди. Учрашув яхши бошланди. Аммо охиригача жисмоний жиҳатдан толиқиб қолди. Бунинг натижасида ўйин тизгинини йўқотишди.

- Умуман олганда йигитларнинг ўйини ёқди. Курашларда ҳам ютқазишмади. Ҳимоядан ҳужумга ўтишда ҳам яхши ўйнадик.

- Етакчи ўйинчиларимиз Раҳим Қодиров билан Расул Раҳмонов бугунги ўйинда дисквалификация сабабли бизга ёрдам бера олмади. Бундан ташқари ҳимоячи Асрор Раҳмонов ҳам ўйинда жароҳат олиб, майдонни эрта тарк этишга мажбур бўлди – дейди Гесс. 


Исломбек Рустамбеков.