Дурдона Бахтиёрова: “Бугунги голимни жамоамиз бош мураббийининг набирасига бағишлайман”
11 июн 2019 10:11
Новости

Дурдона Бахтиёрова: “Бугунги голимни жамоамиз бош мураббийининг набирасига бағишлайман”

Аёллар ўртасидаги Ўзбекистон чемпионати 11-туридан ўрин олган “Нефтчи”W - “Пахтакор” W (0:3) учрашувидан сўнг меҳмонлар футболчиси Дурдона Бахтиёрова қуйидагича фикрларни билдирди.

“Пахтакор” аёллар жамоаси аҳил, футбол учрашувларида барча бирдамлик билан ҳаракат қилади. Айни дамда жамоамиз чемпионатдаги энг ёш таркибга эга бўлган жамоалардан бири ҳисобланади. Мураббийларимиз берган кўрсатмаларга амал қилган холда жамоадошларим билан бугунги учрашувда астойдил ҳаракат қилиб, ғалаба қозондик.

Бугун урган голимда барча жамоадошларимнинг ҳиссаси катта бшлди. Бугун жамоамиз бош мураббийи хонадонида қувончли воқеа юз берди, боиси бош мураббийимиз ўғил набирали бўлди. Барча жамоадошларим номидан бош мураббийимизни табриклайман, бугунги урган голимни шу чақалоққа бағишлайман.

Бекзод Толибов ёзиб олди.