RU

Последние новости

15:25"Манчестер Сити"да Гвардиоланинг давомчиси ким бўлади?  0 15:01Про лига. "ФарДУ" – "Арал" билан, "Жайхун" "Локомотив" билан тўқнаш келмоқда (онлайн ҳисоб)  0 14:50Винисиус: "Ҳеч кимни хафа қилмоқчи эмасдик — на ёш футболчиларни, на мухлисларни"  4 14:23"Реал" аъзоси фаолиятини MLS'да давом эттириши мумкин  0 13:56"Ал Ҳилол" етакчиларидан бири билан шартномани узайтирди  0 13:29Темурхўжа Абдухолиқов ўзбек футболидаги қайси ҳужумчиларга ҳавас қилган?  1 13:03Алонсо Винисиуснинг ножоиз хатти-ҳаракатларига муносабат билдирди  11 12:40"Бунёдкор" "Олимпия" стадионида "Машъал"дан устун келган баҳсдан ГАЛЕРЕЯ  0 12:23III Осиё ўйинлари. Ўзбекистон Баҳрайнга 13 та гол урди, плей-оффда Эрон кутмоқда   0 12:06Ана холос! "Ливерпуль" Клоппни ортга қайтаришга ҳаракат қилиб кўради  7 11:46Туркманистон чемпионатида "кутилмаган" чемпион  10 11:00Ямалнинг отаси "Эл Класико"даги мағлубиятдан ўз услубида яна бир фикр билдирди  63 10:51"Насаф" ОКМК билан дуранг ўйнаб, пешқадамликни бой берган ўйиндан ФОТОГАЛEРEЯ  2 10:30"Эл Класико" якунидан сўнг "Реал" футболчиси қизил олди ва яна олти нафар футболчи огоҳлантирилди  3 10:23Пролига. 18-турида ишловчи расмийлар билан танишинг  0

Драган Черан: "Навбаҳор"га урилган голда 95 фоиз ишни Шаркич қилиб берди" Новости

Драган Черан: "Навбаҳор"га урилган голда 95 фоиз ишни Шаркич қилиб берди"

Бугун 4-турнинг марказий ўйинида "Пахтакор" - "Навбаҳор" жамоалари ўзаро тўқнаш келди (1:0).

Муросасиз кечган ўйинда Драган Чераннинг ягона голи майдон эгаларига навбатдаги уч очкони келтирди. Меҳмонлар эса мавсумдаги илк мағлубиятини қабул қилиб олди. Учрашувдан сўнг ғалаба тўпи муаллифи Черанга бир нечта саволлар билан юзландик. 

- Драган дастлаб беллашув ҳақидаги илк қайноқ фикрларингиз билан ўртоқлашсангиз. Юртимиздаги фаолиятингиз давомида бундай ўйинларни кўп гувоҳига айлангансиз. Уларнинг ҳар бири ўзгача таассуротларни берган бўлса керак...

- Албатта. Принципиал рақиблар устидан ғалаба қозониш доим ёқимли ҳисларни тақдим қилади, деб ўйлайман. "Навбаҳор" оддий жамоа эмас. Улар етарлича муаммо туғдиришди. Энг муҳими ғалаба қозондик. Ўйин битта голгача эди. Биринчи бўлиб тўп киритган жамоа ютарди. Уч очкога эга чиққанимиздан хурсандман. 

- "Пахтакор" ҳали ўйин борасида мақтана олаётгани йўқ. Шунга қарамай натижани ўз томонига оғдиришни уддасидан чиқмоқда. ОЧЛда бу омиллар панд бериб қўймайдими?

- ОЧЛ умуман бошқа даражадаги мусобақа. Ҳамма ўйинда бир хил тўп тепиш қийин. Юқорида айтганимдек, асосий жиҳат натижа бор. 

- "Пахтакор" биринчи бўлимда ҳужумга ўтишга шошилмади. Футболчиларда хотиржамлик кўринди...

- "Навбаҳор" ҳимояни яхши ушлади. Исталган жамоада барибир бўшлиқлар бўлади. Биз шундан фойдаландик. 

- Ҳозирда ҳужум чизиғидаги муаммолар сабаб Войнески сизни соф форвард сифатида ўйнатмоқда. Қайсидир маънода бу иш беряпти, дейиш мумкин. Сиз учун бу янгилик бўлмаяптими?

- Вазиятдан келиб чиқиб ўзгаришлар қилиняпти. Жамоамизда шундай футболчилар борки, улар бир нечта позицияда ўйнай олишади. Бунда бир-биримизни ўрнимизни тўлдириш осонроқ. Ҳаммамиз ўз ишимизни қиляпмиз.

- "Пахтакор" сафида ҳар сафар муҳим ва ҳал қилувчи голларни урмоқдасиз. Позицияни тўғри танлаяпсизми ёки тўп сизни жуда яхши кўрадими?

- Бундай ҳолат бўлиб туради (кулади).  Омад, ўйиндаги вазиятни ҳис қилиш муҳим аҳамият касб этади. Дейлик бугун "Навбаҳор"га урган голимни ўзимники ҳисобламайман. 95 фоиз ишни Шаркич қилиб берди. Демак бу унинг голи.

Абдулазиз Искандаров ёзиб олди

Рейтинг: +18   

Комментарии

championat.asia
< посмотреть последние новости
Яндекс.Метрика