Дўрмонов энди «Ифтихор»да

Бундай дейишимизнинг боиси сурхондарёлик мураббий ўтган йили «Нефтчи»да ишлаганди. Фарғоналиклар билан хайрлашгач, Абдусамад Чоршанбиевичга Про-лига қатнашчиси Термизнинг  «Сурхон» жамоасидан таклиф тушди. Аммо бу сафар ҳам мураббийга у ерда узоқ вақт ишлаш насиб этмади. Жамоага кейинчалик Дилшод Нуралиев бош мураббий этиб тайинлангач, Дўрмоновларнинг тўнғичи ҳам у ердан кетди. 

Сўнгра ушбу мутахассисга Фарғонанинг «Истиқлол» жамоасидан чорлов бўлди ва  бу клубда ҳам маълум муддат ишлаб юргани ҳақида маълумотга эгамиз. Аммо кеча Олтиариқнинг «Ифтихор» жамоасини бош мураббий сифатида Андижонда ўтган ҳоким кубоги финалига олиб тушди. Эътиборлиси ушбу жамоада иш бошлаганига кўп вақт бўлмаган Абдусамад Дўрмонов ҳоким кубоги-2018 мусобақасининг якунига кўра, «Энг яхши мураббий» деб топилди.

Дўрмоновга янги жамоасида узоқ вақт самарали фаолият юритишини тилаб қоламиз.