Дониёр Нарзуллаев: "Металлург"нинг совринли ўринларга эга чиқиши сенсация ҳисобланмайди"

Албатта жамоанинг ғалабаларида футболчилар ҳам катта ҳисса қўшмоқда. Дониёр Нарзуллаев ҳам ўзининг фаол ҳаракатлари билан бош мураббий Андрей Шипиловнинг ишончини қозонмоқда. Яқинда ушбу футболчини суҳбатга чорладик. 

"Насаф"дан кетиб ҳеч нарса йўқотмадим. Шунчаки фаолиятимни бошқа жамоада давом эттиришни истадим. "Насаф" доим юрагимда қолади. "Металлург"да бош мураббийимиз мендан кўпроқ ҳужумга ўтишимни талаб қилади. Кўпроқ олдинги чизиқда фойдаланмоқда. Мен ҳам ўз ўйинларим билан уларни ишончини оқлашга ҳаракат қиламан. 

Ҳозирги "Металлург"да барча иш проффессионал тарзда йўлга қўйилган. Машғулотларда футболчилар учун барча шароитлар яратилган. Шу томонлама аввалги йиллардаги жамоадан фарқ қилади. 

Мақсадимиз аввалги мавсумда қўлга киритган натижаларимизни янада яхшилаш. Худо хоҳласа шу темпни ушлаб тура олсак совринли ўринлардан бирини эгаллаймиз деган умиддаман. Буни кутилмаган сенсацияга қиёслаш ноўрин бўлади. Сабаби бутун жамоа ва мураббийлар штаби қаттиқ меҳнат қилмоқда. Совриндорлар қаторидан жой олсак меҳнатимизни самарасини кўрган бўламиз.

Хитойдаги "қор жанги"ни унутиб бўлмайди. Ушбу чемпионликни тасодиф деб аташ бутун жамоани меҳнатини йўққа чиқаришдек гап. Биз ўшанда финалга қадар кучли рақибларни мағлуб этганмиз. Жорий йилги Таиланддаги Осиё чемпионатида менимча футболчиларда босим жуда юқори бўлди дейишим мумкин",- дейди Дониёр Нарзуллаев. 

Батафсил интервьюни бир неча соатлардан сўнг сайтимизда ўқишингиз мумкин. Бизни кузатишда давом этинг!