Дилшод Аширов: "Машъал" футболчилари руҳий тушкунликни енгиб ўтишди"

"Суперлигага ўзгача кайфият билан тайёргарлик олиб бораётгандик, кейинчалик "Машъал"ни янги форматдаги чемпионатда иштирок этмаслиги тўғрисидаги қарорни бизга айтиб қолишди.

Жуда қаттиқ тушкунликка тушиб қолдик, йигитлар машғулотларни қандайдир қийинчилик билан ўтказа бошлашади. Аммо айни пайтда футболчилар бундай оғир руҳий тушкунликни енгиб бўлишди. Мавсумни сўнгги ўринларда тугутган жамоалар Суперлигада, биз эса 7-ўринни олдик ва қўйи лигада ўйнаймиз, муҳими бу қарор юртимиз футболи учун фойдали бўлса бундан қувонамиз.

Таркибда жиддий жароҳат олганлар йўқ биргина ёш ҳимоячимиз, Муҳаммад Тошпўлтовнинг олган жароҳати оғирроқ. У жарроҳлик амалиётини бошидан кечиришига тўғри келмоқда. Унинг оёғида тизза қисмида пай чўзилиши натижаси яхши ҳаракат қила олмаяпти. Қолган футболчиларимизда ҳамаси яхши. Йигитларни иштиёқи кучли. Улар сабр ва матонат билан бу мавсумни ўтказишга тайёр туришибди. Шундай кунларда жамоани қўллаб турган раҳбариятга раҳмат, уларга ҳам осон эмас қувонарлиси "Машъал"да катта ҳажмдаги ишлар бошлаб юборилган. Бу эса клубнинг келажаги янада мустаҳкамланаётганидан далолатдир", - дейди Аширов.

Дилшод Сафаров