Черан: "Ўзбекистон миллий терма жамоасида ўйнашга тайёрман. Фақат... "

Қизиқарли кечган учрашувда майдон эгалари 3:0 ҳисобида ғалаба қозонди. Ўйиндаги голлардан бирига муаллифлик қилган жамоа етакчиси Драган Черан фикрларини билдириб ўтди. 

"Яхши ўйин бўлди. Муҳими уч очко қўлга киритдик. Биз учун ҳар бир ўйин қийин ўтмоқда. Бугун ҳам осон ғалаба қозондик, дея олмайман. Рақиб  "Қўқон-1912" жамоаси сафарда ҳали мағлубиятга учрамаганди. Бизга етарлича қаршилик кўрсата олишидан хабаримиз бор эди. Ҳар бир ўйинда ғалаба қозонишимиз ва "Пахтакор"нинг ўрни қаерда эканлигини кўрсатишимиз керак. 

Жамоа оғир уч ҳафтани ўтказди. Дастлаб ОЧЛда 10 кунда 6та ўйинда майдонга тушдик. У ердан келиб  "Турон" га қарши тўп тепдик. Шу боис жисмоний жиҳатдан толиқиш бўлиши табиий ҳол. "Қизилқум" билан ўйиндан сўнг чемпионатда танаффус юзага келади. Мана шу паллада дам олиш имконияти юзага келиши мумкин. 

Ўзбекистон миллий терма жамоасида ўйнашим? Мен тайёрман. Лекин қачон ўйнашим аниқ эмас. Паспорт билан боғлиқ муаммолар бор. Шу боис аниқ гап айта олмайман", - дейди Черан.