RU

Последние новости

11:31ОФК келаси U-17 Осиё чемпионатлари мезбонини маълум қилди  2 11:10“Реал“ Трентни клублар ўртасидаги ЖЧда иштироки учун “Ливерпул“га қанча пул таклиф қилгани маълум  1 11:00Суперлига футболчилари ЕЧЛ финалчиларини тахмин қилди  8 10:45“Арсенал“ футболчиси фаолиятини Бразилияда давом эттиради (Фабрицио Романо)  1 10:22“Байер“ бош мураббийлигига номзодлар маълум қилинди  1 09:59Карло Анчелотти “Реал“ билан келишиб олди  2 09:37Пролига. Бугун 5-тур давом эттирилади  0 09:10“Рома“ тўпурар ҳужумчи билан шартнома имзоламоқчи  3 08:48“Ал Ҳилол“ супер футболчи билан музокараларни бошлади  2 08:16Sofascore. Азизжон Ғаниев кечаги учрашувда неча баҳога лойиқ кўрилди?  2 07:50Довбик Шомуродов ҳақида фикр билдирди  15 07:25Трент “Реал“да қанча ишлаб олиши маълум  11 02:11АПЛ. Дуранг ўйнаган "Ноттингем Форест" ЧЛ зонасига қайта олмади  4 01:48А Серия. "Милан" иродали ғалабага эришди, аммо жамоа ҳали ҳам кучли саккизликда эмас  2 01:17"Париж" - 46 йилдан сўнг Лига 1да! Унинг стадиони ПСЖ аренасидан йўлнинг нариги томонида жойлашган (мутолаа учун)  4

"Челси" - МЮ. Нима учун "аристократлар" ғолиб бўлишлари лозим? 5 та сабаб! Новости

"Челси" - МЮ. Нима учун "аристократлар" ғолиб бўлишлари лозим? 5 та сабаб!

"Челси" ҳамда "Манчестер Юнайтед" жамоалари ўртасидаги ўйин олдидан "аристократлар"нинг имкониятларини чамалаб кўрамиз.


Демак, қуйидаги 5 та сабаб туфайли лондонликлар "қизил иблислар"ни мағлуб этишлари шарт.

1. Контенинг тактик ўзгартиришлари



Балки бунга Моуриньонинг мухлислари қарши чиқишар, лекин италиялик мураббий жамоанинг тактик тайёргарлиги борасида ўзгартиришлар қила олди. Конте ўз жамоаси ўйинини рақиб услубига мослаган ҳолда ўзгартира олади. Моуриньо ҳақида эса бундай дейиш қийин. Конте таваккал қилишни яхши кўради. Тўғри, унинг таваккалчилиги "Ливерпуль" ва "Арсенал"га қарши ўйинларда иш бергани йўқ. Лекин, сўнгги баҳсларда "Челси" ўйинида ранг-барангликни кўрмоқдамиз. Қизиқ, Антонио АПЛ чемпионлиги учун асосий даъвогарлардан бири ҳисобланган жамоага қарши ўйинда ҳам 3-4-3 схемасидан фойдаланармикин?


2. Диего Костанинг айни пайтдаги ҳолати



Испаниялик ҳужумчи агар яна битта сариқ карточка олганида МЮ ҳимоячиларининг омади келган бўларди. Бироқ, Байи-Смоллинг жуфтлигига ушбу баҳс давомида осон бўлмайди. Улар якшанба куни АПЛнинг ушбу мавсумдаги энг яхши тўпурарига қарши туриб беришлари лозим бўлади. Премьер-Лигада ушбу мавсум 7 та гол киритган Коста ушбу ўйинда асосий фигуралардан бири бўлиши мумкин. Балки, Де Хеа бу сафар ҳам ўзининг қойилмақом сейвлари билан Костанинг ўзини кўрсатишига имконият бермас. Нима бўлганида ҳам, якшанбагача оз вақт қолди.


3. "Челси"даги баъзи футболчиларнинг мотивацияси!



Моуриньонинг истеъфоси хато бўлганмиди ёки ушбу қарор клубни янада ёмонроқ натижадан қутқариб қолганмиди? Нима бўлмасин, "Челси"да Моуриньога қарши тил бириктирганликда гумон қилинган "каламушлар" ушбу баҳсда "беназир"сиз ҳам "Стемфорд Бриж"да ҳаёт яхши эканлигини намойиш этишга уриниб кўрадилар. Ҳозирча ушбу ўйинда Фабрегаснинг иштирок этиши сўроқ остида. Лекин, Эден Азар манчестерлик болакайларни додини бериб қўйишга ҳаракат қилиши аниқ.


4. Ўз майдонидаги устунлик



Бу шунчаки нисбий ҳолат. Лекин, тан олиш керак "Челси" ўз майдонида доимо МЮга жиддий муаммо туғдириб келган. Шуни унутмаслик керакки, АПЛ жамоалари орасида фақатгина "аристократлар" Англиянинг 20 карра чемпионларига қарши яхши статистикага эгалар. Премьер-Лига доирасида "Челси"нинг "Юнайтед"га қарши статистикаси: 48 ўйин, 16 ғалаба, 19 дуранг, 13 мағлубият.


5. Чемпионлик ҳақидаги баёнотлар



Агар лондонликлар ҳақиқатдан ҳам соврин учун курашмоқчи бўлсалар, шунингдек ЕЧЛга қайтишни режалаштираётган жамоа сифатида "қизил иблислар"ни мағлуб этишлари лозим бўлади. Улар бунгача "Арсенал"дан йирик мағлубиятни қабул қилиб олдилар. Шунингдек, Юрген Клопп жамоасига қарши ўйинда ҳам қимматли уч очкони бой бериб қўйишди. Конте бундан буён асосий рақибларга қарши ўйинда очколарни бериб қўймаслиги лозим.

Рейтинг: +25   

Комментарии

championat.asia
< посмотреть последние новости
Яндекс.Метрика