"Челси" Фофана трансфери борасида якуний қарорга келди
16 авг 2022 20:32
Новости

"Челси" Фофана трансфери борасида якуний қарорга келди

"Аристократлар" "Лестер" ҳимоячиси бўйича бир қарорга келишди.

"The Guardian" журналисти Жейкоб Штайнбергнинг таъкидлашича, Лондон клуби "тулкилар" Уэсли Фофана трансфери учун талаб қилган суммани тўлайди.

Қайд этилишича, трансфер суммаси тахминан 95 миллион еврони ташкил қилади. Шу тариқа, Фофана футбол тарихидаги энг қиммат марказий ҳимоячилар реестрида нидерландиялик Виржил ван Дейкни ортда қолдириб кетади.

Фофана "Лестер" раҳбариятидан уни "Челси"га қўйиб юборишни сўради. Франциялик футболчининг фикрича, клуб унинг қийматини асоссиз равишда ошириб юборган.

Эслатиб ўтамиз, Фофана 2021 йил "Лестер" билан Англия Кубоги соҳиби бўлиб, финалда айнан "Челси"ни мағлуб этганди.

Ссылка :

Источник : The Guardian

Получайте новости прямо в Telegram!

Рейтинг: -2